Hop akŏm pơma dơnuh akŏm vă jê̆ 50 ‘nu bơngai jang khoa hŏk hăm hloh 30 hla ar tơblang hơdăh đơ̆ng Mi, Hàn Quốc, Ý, Malaysia, Singapore. Dôm bơngai joăt jang akhan, vă hơtŏk đei yua, Khánh Hòa kăl 1 anih tơchĕng hlen kơmăy kơmŏk đak dơsĭ, pơm hơnăp jang ‘lơ̆ng vang pơcheh, tơgoăt Teh đak, anih mơdro sa, khŭl joh ayŏ păng tơpôl.

Kơdră chĕp kơ̆l Anih vei lăng kon pơlei dêh char Khánh Hòa pơma hơdăh hop akŏm ‘noh jĭ tơdrong hiôk vă tơring kŭm hăm dôm bơngai jang khoa hŏk, anih mơdro sa păng tơpôl vang pơcheh trong jang, tơƀôh hơdăh tơdrong jang hơdai kơjăp đơ̆ng khŭl kơdră păng tơchĕng hơlen lơ̆m tơlĕch jang dôm trong jang tơgŭm hơtŏk tơiung mŭk drăm đak dơsĭ. Dôm nơ̆r pơma, tơgop gô tơgop pơm ‘nao, tơgŭm Khánh Hòa jing tơring jang tŏk kơjăp, ‘lơ̆ng đơ̆ng tơdrong hơrih sa tơring đak dơsĭ păng kơmăy kơmŏk ‘nao.