Đơ̆ng rŏng 1 sơnăm tơlĕch jang, tơring chih iŏk lơ tơdrong tơplih lơ̆m bơ̆jang, tơplih kơ sô̆ păng klăih song hơnăp jang ăn tơring, mă lei oei đei lơ pơmat tat găh bơngai jang, jên hu păng hla ar bơ̆jang. Tơ̆ hop akŏm, rim tơring gơih 110 nơ̆r tơgop tơroi dôm tơdrong tơhlăk tơhlĭn lơ̆m khŭl bơ̆jang, mă loi ‘noh jĭ tơdrong ưh kơ măh bơngai jang hơgei tơ̆ dôm tơdrong jang kơmăy kơmŏk kơtơ̆ng ang, jên hu - kế toán, teh, ming man.

Lơ nơ̆r tơgop akhan, tơdrong klăih song hơnăp jang tam mă năm hơdai tôm tơmam jang, jên jang păng pơtho joăt jang trŏ lăp. Mă đơ̆ng dêh char hlôi tơmơ̆t dơ̆ng hloh 6.500 ti hlak jên ăn kơ rim xăh, lơ hơnih oei tam mă iŏk yua jơnei jên jang đei pơjao. Khánh Hòa apĭnh Trung ương jăh tơlĕch trong jang tơgŭm jên khei kiơ̆ tơdrong jang, ăn phep tơmơ̆t bơngai jang kiơ̆ hla ar pơkăp joăt jang lơ̆m jăl jang blŭng păng jang pơkeh hơmet pơ ‘lơ̆ng hnam, teh rơkăh đơ̆ng rŏng proh hơmet khŭl jang.