Anih jang vei lăng kon pơlei dêh char Khánh Hòa hlôi pơjing Jơnŭm pơgơ̆r sek tơlang tơdrong tơhlăk tơhlĭn lơ̆m tơdrong hrŭ 'mong iŏk teh ming man tơdrong kăl păng Khul jang hơlen sek tơlang tơtom tơdrong tơnap tap, atŭm hăm noh pơtruh nơ̆r hăm rim anih jang, rim tơring asong bơngai pơgơ̆r kơtă hăm tơdrong tơlĕch ming man, lăng ou jĭ tơchơ̆t keh đang hăm sơnong pơjao jang.

Anih jang vei lăng kon pơlei dêh char pơgơ̆r hơtŏk sơnong jang hăm bơngai chĕp kơ̆l, tơjur khei năr ming man, hơtŏk tenh gah hla bar kla jên ou to, păng pơtruh jên jang đơ̆ng tơdrong jang hơdar ăn tơdrong jang gơh keh đang hrôih. Dêh char Khánh Hòa tơchơ̆t asong jên jang đei jơnei hloh 95% tơdrong pơjao jên jang ăn sơnăm 2025, asong jên jang ăn dôm tơdrong jang kăl hloh, pơjing jơhngơ̆m pran vă hơtŏk tơ-iung mŭk drăm.