Kiơ̆ trong jang, lơ̆m dêh char vă iŏk 417 ‘nu bơngai ăn dôm tơdrong jang đei rơih hơmet hơtŏ hăm bơngai juăt jang. Tơdrong hơgăt chih hơdăh 2 trong rơih iŏk bơngai jang, đei set hơlen păng pơgơ̆r thi. Lơ̆m noh, set hơlen đei tơmât yoa hăm dôm bơngai vă iŏk jang, ‘noh jĭ bơngai rơgei kiơ̆ tơdrong hơgăt đơ̆ng Khul kơdră teh đak; dôm bơngai nai ‘nŏh vă rơih iŏk kiơ̆ trong pơgơ̆r thi.

Anih vei lăng kon pơlei dêh char Khánh Hòa athei rim anih jang kơpal, tơring tơrang hơtŏk tơdrong tơroi tơbăt vă sơng bơngai truh thi, tơtom iŏk tơmât dơ̆ng ăn khul kăn ƀô̆, bơngai jang kơ teh đak jang rơgei, mă loi ‘nŏh tơ̆ xăh – tơring oei iŏk jang lơ tơdrong tôch trăp đơ̆ng rŏng kơ jang kiơ̆ trong jang Khul kơdră pơgơ̆r tơring 2 tăl.