Tang măt ăn kơdră chĕp kơ̆l Đảng, teh đak, Mặt trận Tổ quốc Việt Nam, Kơdră chĕp kơ̆l Anih roi tơƀôh păng Krao hơvơn kon pơlei Trung ương Trịnh Văn Quyết thơ thou ăn Lêh tih Phật đản hiôk hian, ‘lơ̆ng rŏ truh hăm rim bơngai lui phât, ƀok pơtho lui phât lơ̆m teh đak.

Kơdră chĕp kơ̆l Anih roi tơƀôh păng krao hơvơn kon pơlei Trung ương lui, hăm jơhngâm đon ‘lơ̆ng, gơ̆h hơgei, rơngei hiôk hian păng jơhngâm đon ‘mêm kơ teh đak, Khul lui phât Việt Nam gô hơnơ̆ng yak hơdoi hăm hơdrĕch hơdrung; krao hơvơn bơngai lui phât adrin bơ̆ jang lơ̆m dôm tơdrong pơjei băl ‘mêm kơ teh đak, vang tơgop mă tơgăl ăn tơdrong jang atŏk tơiung teh đak.

Ƀlep ƀât ‘măng mă âu, Kơdră chĕp kơ̆l Anih roi tơƀôh păng krao hơvơn kon pơlei Trung ương, Trịnh Văn Quyết thơ thou ăn Khul lui phât Việt Nam pơgơ̆r đang ‘lơ̆ng Hop akŏm bơngai tang măt ăn khul lui phât lơ̆m teh đak ‘măng mă X. Atŭm hăm ‘nŏh chih răk dôm tơdrong tơgop tih tên đơ̆ng bơngai lui phât hăm tơdrong jang tŏk kơ teh đak, hơmet kơjăp tơdrong tơguăt đĭ đăng hơdrĕch hơdrung.