VOV4. Bahnar - Kơsơ̆ năr 23/5, Khul bơ̆ jang kơsô̆ 6 kơ yuơ Đại tướng Lương Cường, Kơdră jang lơ̆m Dơnŏ anĭh tơm Chĭnh trĭ, Kơdră chĕp pơgơ̆r Hơnĭh bơ̆ jang Chĭnh trĭ Khul ƀô̆ đô̆i kon pơlei Việt Nam, Kơdră jang lơ̆m Khŭl chĕp pơgơ̆r găh tang găn sa pơgơ̆m pơjĭp pơm Kơdră khul hlôi bơ̆ jang hăm Khul kơdră chĕp pơgơ̆r Đảng Dơnŏ anih tơm vei lăng trong gre nơnăm. Đại tướng Lương Cường athei, rim bơngai lơ̆m Khŭl năm bơ̆ jang păng Khŭl kơdră chĕp pơgơ̆r Đảng Dơnŏ anĭh tơm vei lăng Trong gre nơnăm lăng kơ jăp dôm tơdrong tơm dăr lăng lơ̆m trong pơ prŏ 18 kơ Dơnŏ anĭh chĕp pơgơ̆r Trung ương găh tang găn sa pơgơ̆m pơjĭp; mă kăl lơ̆m bơ̆ jang hơlen, tơchơ̆t hơdăh kơjă jăl jang đơ̆ng sơnăm 2021 truh dang ei kơ Dơnŏ anih tơm vei lăng Trong gre nơnăm. Mă kăl, kăl tơƀô̆h hơdăh dôm tơdrng tơnap tap, tơhlăk tơhlĭn lơ̆m bơ̆ jang dăr lăng, sơkơ̆t hơdăh, athei vă Khŭl bơ̆ jang hơlen, chĭh akom, tơlĕch trong jang hơmet pơ ‘lơ̆ng atŭm lơ̆m tĕh đak khei năr au kơnh.

Tơblơ̆ nơ̆r: Amazưt