VOV4.Bahnar - Kiơ̆ tơ chĕng hơ drol, ‘Măng hop akŏm mă 16 kơ Khŭl chĕp kơ̆l Kuôk hô̆i gô pơ gơ̆r blŭng ‘năr 10/10. Tơ̆ ‘măng hop akŏm âu, Anih chĕp kơ̆l Kuôk hô̆i gô pơ ma dơ nuh tơ gop nơ̆r găh hla ar chih tơ roi tơ băt akŏm nơ̆r tơ gop, apĭnh đơ̆ng bơ ngai tăh hla păng kon pơ lei gơ̆ih truh ‘măng hop akŏm mă 4 kơ kuôk hô̆i; tơ gop nơ̆r găh dôm hla ar chih tơ roi tơ băt; Pơ tôch dăr hơ len tơ drong hơ met pơ ‘lơ̆ng, tơl nơ̆r apĭnh đơ̆ng bơ ngai tăh hla gơih truh ‘măng hop akŏm mă 3 kơ Kuôk hô̆i; Pơ tôch sơng kon pơ lei, sơng iŏk hơ met pơ ‘lơ̆ng hla ar kơ thơ đơ̆ng kon pơ lei păng pơ tôch dăr hơ len tơ drong hơ met pơ ‘lơ̆ng tơ kêng tơ hlâu đơ̆ng kon pơ lei gơ̆ih truh Kuôk hô̆u sơ năm 2022.

‘Măng hop akŏm tơ drong jang khôi luơ̆t khei 9/2022 kơ Anih chĕp kơ̆l Kuôk hô̆i

Tơ gop nơ̆r găh hla ar chih tơ roi tơ băt đơ̆ng Khŭl kơ dră teh đak găh: Tơ drong jang kiơ̆ trong tơ lĕch jang hơ tŏk tơ iung mŭk drăm - tơ pôl păng jên vă jang kơ teh đak sơ năm 2022, trong tơ lĕch jang hơ tŏk tơ iung mŭk drăm - tơ pôl sơ năm 2023; jên vă jang kơ teh đak păng trong vă jang klăih song jên jang trung ương sơ năm 2023; pơ tôch jang kiơ̆ trong tơ lĕch jang tơ mơ̆t jên jang teh đak sơ năm 2022; tơ chĕng hơ drol trong tơ lĕch jang tơ mơ̆t jên jang teh đak sơ năm 2023. 

VOV/Thuem tơ blơ̆