VOV4.Bahnar - Pơ gê ‘năr 18/5, khŭl dăr hơ len lăng kơ Anih jang Khôi luơ̆t kơ Kuôk hô̆i jăl XV yua đơ̆ng ƀok Nguyễn Trường Giang, Phŏ Kơ dră vei lăng Anih jang Khôi luơ̆t pơm kơ dră khŭl, hlôi đei jơ bơ̆ jang hăm dêh char Dak Lak găh tơ drong bơ̆ jang tơ drong tơ chơ̆t đơ̆ng khôi luơ̆t găh tơ drong ‘lơ̆ng pôk hơ iŏk bơ ngai jang vei lăng păng tơ drong vei lăng bơ ngai jang kơ teh đak kiơ̆ hơ năn tơ drong jang. Jô̆ truh ‘năr 31/12/2021 akŏp kơ sô̆ bơ ngai jang kơ teh đak lơ̆m dêh char ‘noh hloh 37.000 ‘nu, lơ̆m noh bơ ngai kon kông đei 12,5%.

Tơ̆ jơ bơ̆ jang, kơ dră chĕp kơ̆l dêh char Dak Lak tơ roi 1, 2 tơ drong mơ mat tat păng apĭnh; Tơ drong jang pôk hơ tŏk bơ ngai jang kơ teh đak vei lăng, mă loi ‘noh jĭ tơ̆ dôm anih jang tơ drong jang pơ tho pơ hrăm, pơ gang oei tơ ƀơ̆p mơ mat tat, yua đơ̆ng đei tơ drong hơ drom băl găh tơ chơ̆t pơ tho pơ hrăm kơ dră chĕp kơ̆l, vei lăng kiơ̆ hơ nih bơ̆ jang. Lăng ‘lơ̆ng tơ drong bơ̆ jang kiơ̆ tơ drong hơ găt đơ̆ng khôi luơ̆t găh tơ drong ‘lơ̆ng găh pôk hơ tŏk, bơ̆ jang vei lăng bơ ngai jang kơ teh đak kơ dêh char, Phŏ kơ dră Anih jang Khôi luơ̆t kơ Kuôk hô̆i Nguyễn Trường Giang kŭm tơ băt, khŭl gô akŏm dôm nơ̆r apĭnh, tơ gop đơ̆ng dêh char tơ roi tơ băt kơ Anih jang Khôi luơ̆t kơ Kuôk hô̆i set hơ len, ăn tơ gop nơ̆r vă đei dôm tơ drong lĕch jang, hơ met ming mă lăp hăm tơ drong yan âu.

Thuem: Tơ blơ̆