Tơdrong dăr hơlen ăn ƀôh, khei ‘năr âu ki Khul kơdră pơgơ̆r Đảng dêh char Lâm Đồng akŏm jơhngâm chĕp kơ̆l pơgơ̆r hŏk pơhrăm, hlôh vao păng tơlĕch jang tơpăt ‘lơ̆ng dôm tơdrong Tơchơ̆t đơ̆ng Hop akŏm bơngai tang măt lơ̆m teh đak ‘măng mă XIV kơ Đảng tơklep hăm dôm nơ̆r pơtho, tơdrong tơchơ̆t đei ƀơm truh.

Pơma pơtôch jơ bơ̆ jang, ƀok Nguyễn Văn Quảng chih răk, pôk pơ ư dôm tơdrong jơnei đơ̆ng Đảng ƀô̆, khul kơdră pơgơ̆r păng kon pơlei Lâm Đồng. Atŭm hăm ‘nŏh athei dêh char hơnơ̆ng jang ‘lơ̆ng tơdrong hŏk pơhrăm, hlôh vao hơdăh păng tơlĕch jang dôm tơdrong tơchơ̆t đơ̆ng Đảng; băt hơdăh rim tơdrong đơ̆ng rŏng kơ pôk rơih, tơtom hơlen năng đon tơchĕng lơ̆m tơpôl, chih iŏk lơ ƀai hŏk kăl.