VOV4.Bahnar - Anih jang đoan dêh char Dak Lak ‘nao pơ gơ̆r Tơ ƀâp ăn Khul Druh dăm CS Hồ Chí Minh dêh char Dak Lak (Việt Nam) păng Khul druh dăm kon pơ lei kăch mang Lào dêh char Chămpasắk (CHDCND Lào). Đe kăn ƀô̆ đoàn đơ̆ng 2 dêh char roi tơ băt ăn băl găh tơ drong jang mŭk drăm, tơ pôl, tơ drong jang đoan păng druh dăm đơ̆ng 2 dêh char lơ̆m 5 sơ năm âu ki.

Jơ tơ ƀâp

Pơ ma nuh găh tơ drong roi tơ băt, pơ tho tơ ƀôh ăn kăn ƀô̆ đoàn, đoàn viên, druh dăm, hơ iŏh iĕ mưh bơ̆ jang dôm trong jang đơ̆ng Đảng, khôi luơ̆t tĕh đak, Tơ drong tơ chơ̆t jang hơ doi hlôi đei kĭ đơ̆ng Kơ dră chĕp kơ̆l Đảng, tĕh đak Việt Nam - Lào, Lào - Việt Nam; tơ drong pơ vei jang tơ bôl, mât 1 ƀơ̆r đon gĭt kăl Việt Nam - Lào, Lào - Việt Nam, đơ̆ng dêh char Dak Lak hăm dêh char Chămpasắk. Hơ năp jang đơ̆ng anih jang đoan mưh yak hơ doi, tơ gŭm ăn druh dăm hơ tŏk tơ drong rơ gei, năm jang hơ drol, vang atŏk tơ iung mŭk drăm, jŏh ayŏ kơ dŏ xoang, tơ pôl, vei sơ đơ̆ng tĕh đak.

Dơ̆ng: Tơ blơ̆