VOV4.Bahnar -  Năr 20-7, Khŭl jang dăr lăng kơ Kuô̆k hô̆i kơ yuơ Thượng tướng Trần Quang Phương, Kơ iĕng Kơdră chĕp pơgơ̆r Kuô̆k hô̆i pơm kơdră Khŭl hlôi bơ̆ jang hăm Dơnŏ anĭh vei lăng kon pơlei dêh char Thanh Hóa găh jang kiơ̆ pơkom, tang găn brăh brư jăl jang 2016-2021. Tơ̆ jơ bơ̆ jang, Kơdră chĕp pơgơ̆r dêh char Thanh Hoá hlôi tơroi tơbăt ăn kơ khŭl găh jang kiơ̆ trong jang tơgŭm djru, khôi luơ̆t găh trong bơ̆ jang kiơ̆ pơkom, tang găn brăh brư lơ̆m vei lăng, iŏk yua kon jên jang jăl jang 2016-2021. Iung pơma tơ̆ jơ bơ̆ jang, Thượng tướng Trần Quang Phương, Kơ iĕng Kơdră chĕp pơgơ̆r Kuô̆k hô̆i athei Dơnŏ anĭh vei lăng kon pơlei dêh char Thanh Hoá hơnơ̆ng tơgoăt iŏk nơ̆r tơgop đơ̆ng rim kơdră Khul dăr lăng, akŏm pơrô̆ hơmet pơ ‘lơ̆ng tơdrong jang tim mă ‘lơ̆ng, pơjing ‘lơ̆ng hơ iă hloi trong jang dăr lăng. Atŏk kơtang pơrô̆, chĕp pơgơ̆r jang kiơ̆ lơ̆m tơdrong jang pơkom, tang găn brăh brư, mă kăl ‘nŏh hơmet pơ ‘lơ̆ng tơdrong jang tơmơ̆t jên jang mơdro sa vă hơvơn đei jơnei ăn tơmơ̆t jên jang atŏk tơ iung.

Tơblơ̆ nơ̆r: Amazưt