VOV4. Bahnar - Kơsơ̆ năr 2/3, Khŭl jang dăr lăng kơ Kuô̆k hô̆i bơ̆ jang hăm Dơnŏ anĭh tơm tơ iung pơjing ming man găh jang kiơ̆ Khôi luơ̆t pơ prŏ jang. Tơ̆ jơ bơ̆ jang dăr lăng kơ Kuô̆k hô̆i hơlen oei jang hiơ hiơ̆ lơ̆m tơdrong pơjing 2 trong pơ prŏ jang tĕh đak ‘nŏh: Pơ prŏ jang tơring kơdrơ̆m hăm tơring choh jang sa păng Pơ prŏ dăr lăng, kôch iŏk tơmam drăm tĕh vă pơm tơlĕch tơmam drăm tơ iung pơjing ming man. Tơblang hơdăh kơ yuơ kă kiơ jang hiơ hiơ̆, Kơdră chĕp pơgơ̆r Dơnŏ anĭh tơm vei lăng jang Tơ iung pơjing ming man Nguyễn Thanh Nghị, tơbăt: Tơchơ̆t khôi luơ̆t ‘nao kăl đei trong pơjing pơ prŏ jang trŏ ƀlep, hrơ̆p mĭnh ‘măng kơ rim hơnĭh jang. Kơ iĕng kơdră chĕp pơgơ̆r Kuô̆k hô̆i Nguyễn Đức Hải athei Dơnŏ anĭh tơm tơ iung pơjing ming man hơnơ̆ng dăr lăng, chĭh tơblang hơdăh vă dôm tơdrong mă khŭl jang dăr lăng tơlĕch ăn, lơ̆m au, akŏm jang keh đang 2 trong pơ prŏ jang tĕh đak vă pơtrŭh ăn Thủ tướng kĭ tơchơt lơ̆m khei 12 sơnăm au.

Tơblơ̆ nơ̆r: Amazưt