VOV4.Bahnar – Pơgê năr 8/4, tơ̆ Hnam Kuôk hô̆i, Khul juăt jang hơlen “Tơdrong pơm kiơ̆ khôi luơ̆t găh xơng kon pơlei păng xek tơlang tơkêng tơhlâu đơ̆ng năr 1/7/2016 truh năr 1/7/2021” kơyuơ Phŏ Kơdră Kuôk hô̆i Trần Quang Phương chĕp kơ̆l khul kơpal hlôi bơ̆ jang hăm Anih tơm Axong jang Linh jĭ rơka păng Tơpôl. Khul juăt jang hơlen pơkăl xơkơ̆t hơdăh hăm dôm bơngai ưh tơgăl xa yua tơdrong tơgŭm hăm bơngai tơgŭm jơhngơ̆m hăm kăch mạng; đei trong xek tơlang lơ̆m tơdrong âu vă vei xơđơ̆ng ăn kon pơlei. Lơ̆m tơroi, Anih tơm Axong jang – Linh jĭ rơka păng Tơpôl ăn tơbăt, hlôi xơng hloh 14 rơbâu 300 'nu kon pơlei. Tơdrong jang xơng kon pơlei đei iŏk jang tơguăt đơ̆ng tơdrong chih hla bar xơng kon pơlei păng yua phân mêm vei lăng kon pơlei, xek tơlang tơkêng tơhlâu đơ̆ng Anih tơm, đei tơroh mă blŭng hăm anih chih hla bar kăl kơ teh đak găh tơkêng tơhlâu đơ̆ng Anih jang hơlen kơ Khul kơpal teh đak. Dôm bơngai jang lơ̆m Khul hơlen pơm hơdăh dôm hla bar pơtruh tơkêng tơhlâu lơ̆m tơdrong mă Anih Axong jang, Linh jĭ rơka păng Tơpôl  pơgơ̆r, akŏm găh tơdrong tơgŭm ăn bơngai đei kŏng hăm kăch mạng păng bảo hiểm xăh hô̆i, đei truh jê̆ 90%.

  Lan chih păng pơre nơ̆r