Khul jang tang măt ăn Kuôk hô̆i dêh char Đăk Lăk pơgơ̆r akŏm pơma dơnuh hăm kon pơlei đơ̆ng rŏng kơ 'măng hop akŏm mă 8
Thứ ba, 14:37, 10/12/2024
Lan chih tơblơ̆
Lan chih tơblơ̆
VOV4.Bahnar – Kơsơ̆ năr 9/12, Khul jang tang măt ăn Kuôk hô̆i dêh char Đăk Lăk pơgơ̆r akŏm pơma dơnuh hăm kon pơlei tah hla đơ̆ng rŏng kơ 'măng hop akŏm mă 8. Hop akŏm đei pơgơ̆r akŏm tơ̆ pơlei tơm Buôn Ma Thuột păng chô̆ trư̆k tuyê̆n truh dôm apŭng: Krông Pắc, Krông Búk, Cư M’gar, Krông Năng, Ea Súp păng Buôn Đôn.
Tơ̆ hop akŏm, kon pơlei tah hla Đăk Lăk hlôi pơtruh nơ̆r đei tơrĕk truh tơchơ̆t hơtŏk mŭk drăm tơpôl kơ tơring nhen: tơdrong tơgŭm pơm kiơ̆ Tơchơ̆t hơtŏk jang gah bri kơjăp sơđơ̆ng; tơdrong asong jên jang pơm kiơ̆ tơchơ̆t pơjing tơring tơrang 'nao.
Kon pơlei tah hla Đăk Lăk adoi pơtruh nơ̆r hăm anih tơm, anih juăt jang, rim tơring tơrĕk păng pơm jang tenh kuăng hloh gah tơdrong asong teh bơ̆ hnam, teh choh jang păng hnam oei kiơ̆ Tơchơ̆t jang kơ teh đak gah hơtŏk mŭk drăm – tơpôl tơring kon pơlei kon kông păng groi kông; tơdrong hrŭ ăn dôm unh hnam kon pơlei ƀơm iŏk teh vă man Hnam kơmăi unh hơyuh Sêrêpôk 3, tơdrong jang sut lê̆ hnam oei hyah hyok.
Viết bình luận