Bơ ngai chĕp kơ̆l Khul kơ dră tĕh đak pơ ma hơ dăh, đunh kơ âu 1 sơ năm, ‘năr 11/10/2021, Khul kơ dră tĕh đak tơ lĕch tơ drong Tơ chơ̆t 128 găh oei xa, jang xa, hơ bĕch hơ bal, ‘moi kiơ̆ trong vei lăng ‘lơ̆ng jĭ Covid-19. Truh dang ei, lăng dơ̆ng 10 khei âu ki, rim tơ drong đĭ pha bơih, đei lơ tơ drong tơ plih pơ têng hăm ƀât ‘nao pơ jing trong jang sơ năm 2022 kơ plăh tam mă băt hơ drol thoi yơ.

Dôm bơ ngai jang lơ̆m Khul kơ dră tĕh đak lơ̆m Hop akŏm

Khul kơ dră tĕh đak hop akŏm rim khei vă hơ len năng tơ drong jang mŭk drăm, tơ pôl khei 10 păng 10 khei sơ năm 2022 chă chih iŏk dôm tơ drong kăl, tơ lĕch dôm tơ drong vă jang, trong vă pơ gơ̆r đơ̆ng dang ei truh đĭ sơ năm 2022, pơm ‘lơ̆ng, jang kĕh rim tơ drong kiơ̆ nơ̆r pơ tho, tơ drong chĕp kơ̆l pơ gơ̆r đơ̆ng Trung ương, Anih tơm Chinh trĭ hăm tơ drong jang mŭk drăm, tơ pôl kơ tĕh đak. Thủ tướng hơ pơi ‘mĕh dôm bơ ngai jang lơ̆m Khul kơ dră tĕh đak akŏm đon rơ gei, tơ drong hlôh vao, tơ gop ăn tơ drong vă jang vă gơ̆h đei dôm tơ drong vă jang, đon pơ hnŏng, trong jang lăp ‘lơ̆ng, hơ dai hăm ‘nŏh kiơ̆ đơ̆ng tơ drong tơ chơ̆t lơ̆m hop akŏm vă chĕp kơ̆l pơ gơ̆r bơ̆ jang lơ̆m khei 11 păng 12, pơ tôch sơ năm 2022 iŏk đei jơ nei ‘lơ̆ng, jang kĕh rim tơ drong đei tơ lĕch.