Kiơ̆ Anih TƯ MTTQ Việt Nam, sơnăm 2022, tơring kon kông tơ̆ dôm dêh char Tây Nguyên sơđơ̆ng ‘lơ̆ng găh chinh trĭ păng tơpôl. Dôm tơdrong jang ‘măn ăn tơring kon kông păng groi kông đei yoa ‘lơ̆ng; dôm tơdrong jang vei sơđơ̆ng tơdrong arih xa tơpôl, tơgŭm ăn bơngai tơnuh đei năng kăl.

Bơngai tang măt ‘nŏh jĭ bơngai đei kon pơlei lui yom, ƀok pơtho lui khop tơ̆ dôm dêh char Tây Nguyên, vang tơgop nơ̆r, pơma tơlĕch lơ tơdrong nhen: jên tơgŭm ăn bơngai đei kon pơlei lui yom, kăn ƀô̆ pơlei pơla; tơdrong pơtho tơdrong jang ăn bơngai tơ̆ tơring mơmat tat, bơngai kon kông; vei lăng ‘lơ̆ng tĕh choh jang xa vă kon pơlei kon kông jang tŏk; hơtŏk jên vă tơgŭm tưk tơiung chă tơmang lăng lơ̆m tơpôl; trong vei lăng bri; iŏk kon hơ ‘lơ̆p bơngai kon kông mât jang... 

Đơ̆ng rŏng đei mơ̆ng nơ̆r pơma đơ̆ng dôm bơngai tang măt, ƀok Đỗ Văn Chiến- Kơdră Anih TƯ MTTQ Việt Nam ăn tơbăt, Anih TƯ MTTQ Việt Nam kŭm hăm dôm anih jang chih iŏk đĭ đăng nơ̆r pơma đơ̆ng bơngai tang măt, hơpơi ‘mĕh, kon pơlei Tây Nguyên hơnơ̆ng mât mĭnh jơhngâm, vang pơjing Tây Nguyên roi đunh roi pơdrŏng hlŏh dơ̆ng.