VOV4.Bahnar - Năr 06/6/2022, tơ̆ Hơnĭh bơ̆ jang Trung ương Đảng, Khŭl kơdră chĕp pơgơ̆r Trung ương Đảng jăl XIII hlôi pơgơ̆r hop akŏm hăt hot vă lăng hơlen, pơm kiơ̆ tơdrong kih luơ̆t hăm ƀok Chu Ngọc Anh, Kơdră jang lơ̆m Trung ương Đảng, Kơ iĕng Kơdră chĕp pơgơ̆r Dơnŏ anĭh Đảng pơlei tơm, Bí thư Ban cán sự đảng, Kơdră chĕp pơgơ̆r Dơnŏ anĭh vei lăng kon pơlei kơ pơlei tơm Hà Nội, sơ̆ jang Bí thư Ban cán sự đảng, Kơdră chĕp pơgơ̆r Dơnŏ anĭh tơm jang Khoa hŏk păng Kmăi kmŏk hăm ƀok Nguyễn Thanh Long, Kơdră jang lơ̆m Trung ương Đảng, Bí thư Ban cán sự đảng, Kơdră chĕp pơgơ̆r Dơnŏ anĭh tơm jang Pơgang. Lăp đơ̆ng rŏng lăng kơlen nơ̆r athei đơ̆ng Dơnŏ anĭh tơm Chĭnh trĭ, ‘moi kiơ̆ dôm tơdrong glăi, tơdrong pơm glăi; kiơ̆ tơdrong tơchơ̆t đơ̆ng Đảng găh kih luơ̆t đảng viên pơm glăi, Khŭl kơdră chĕp pơgơ̆r Trung ương Đảng tơchơ̆t jang kiơ̆ Tơlĕch jang Đảng hăm ƀok Chu Ngọc Anh hăm ƀok Nguyễn Thanh Long. Athei rim hơnĭh bơ̆ jang găh au lăng hơlen, xek tơlang ƀlep tơdrong tơchơ̆t hăm bơngai hlôi đei kih luơ̆t đảng.

Tơblơ̆ nơ̆r: Amazưt