VOV4.Bahnar -  Kơ iĕng Thủ tướng Lê Minh Khái hlôi kĭ pơkăp Tơdrong tơchơ̆t kơsô̆ 260 trong jang ƀơk ăn 1.868 tân phe đơ̆ng hơnĭh mong răk tĕh đak ăn rim dêh char: Nghệ An, Đak Lăk, Gia Lai vă tơgŭm kon pơlei đei ƀơm răm đơ̆ng jĭ hơbuh Covid-19 ( ‘măng mă 2). Mă hơdăh, dêh char Nghệ An đei ƀơk ăn hlŏh 700 tân phe; dêh char Dak Lăk 1.014 tân phe; dêh char Gia Lai 153 tân phe. Kơ iĕng Thủ tướng athei Dơnŏ anĭh tơm vei lăng Tơdrong jang-Bơngai rơka păng Tơpôl, Dơnŏ anĭh tơm jang Jên hu xek tơlang keh đang kiơ̆ tơdrong tơchơ̆t; chĭu pŭ găh kơtơ̆ng ang păng kơsô̆ chĭh tơbăt. Dơnŏ anĭh vei lăng kon pơlei rim dêh char Nghệ An, Dak Lăk păng Gia Lai chĭu pŭ lơ̆m tơdrong tơbăt hơdăh măt bơngai tơgŭm djru păng iung jang tơgŭm djru tơtom, ƀlep bơngai, ƀlep tơdrng pơkăp kiơ̆ tơchơ̆t păng ƀlep hăm bơ̆ jang tang găn jĭ hơbŭh tơ̆ tơring.

Tơblơ̆ nơ̆r: Amazưt