VOV4.Bahnar – 'Năr brei năr (10-10), Khul Kơpal tang măt ăn Kuôk hô̆i dêh char Đăk Lăk hlôi akŏm pơma dơnuh hăm kon pơlei adrol kơ 'măng hop akŏm mă 4, Kuôk hô̆i jăl 15 tơ̆ dôm apŭng Krông Ana, Cư Kuin, Ea Súp păng apŭng Buôn Đôn. Lơ tơdrong kăl erih xa ăn kon pơlei hlôi đei kon pơlei pơtruh nơ̆r hăm Kuôk hô̆i.

 Tơ̆ dôm anih pơma dơnuh, Khul Kơpal tang măt ăn Kuôk hô̆i dêh char Đăk Lăk hlôi tơroi hăm kon pơlei tơdrong kăl gô hop akŏm 'măng mă 4 păng tơmơ̆ng nơ̆r pơtruh đơ̆ng kon pơlei hăm Kuôk hô̆i 'măng mă âu. Tơrĕk truh hơmet pơ 'lơ̆ng păng hơtŏk mŭk drăm – tơpôl, kon pơlei Đăk Lăk akhan, Khul kơpal teh đak kăl tơlĕch dôm trong jang dơnơm hloh vă xơđơ̆ng kơjă, xơđơ̆ng tơring tĕch răt păng tơgŭm pơklaih tơnap tap ăn tơdrong tĕch pơdro hăm anih jang mŭk drăm păng kon pơlei. Chih akŏm păng hmach bơnê hăm dôm nơ̆r tơgop đơ̆ng kon pơlei, Khul kơpal tang măt ăn Kuôk hô̆i dêh char Đăk Lăk hlôi pơkăl rim anih jang kơpal păng tơring tơblang hơdăh. Hăm dôm tơdrong nai, khul gô chih akŏm, pơtruh nơ̆r hăm Kuôk hô̆i, Khul Kơpal teh đak păng rim Anih jang Tơm lơ̆m 'măng hop akŏm truh âu kơnh.

VOV Tây Nguyên/ Lan tơblơ̆ nơ̆r