Bơngai đei rôp ‘noh jĭ Nguyễn Hữu Ngọc, 45 sơnăm, oei tơ̆ plei Đức Đoài, xăh Đức Minh, apŭng Đắk Mil, dêh char Dak Nông. Hơdrol ‘noh, jang kiơ̆ trong tơlĕch jang khei bơ̆ jang găh iung jang tang găn pơm glăi, Kơđông lĭnh vei lăng tơring sơlam Đắk Lao jang hơdai hăm khŭl bơ̆jang găh ƀô̆ đô̆i vei lăng tơring sơlam Dak Nông pơgơ̆r dăr joang, vei lăng tơ̆ tơring jrăng sơlam 48/25, plei Đức Kim, xăh sơlam Đắk Lao, apŭng Đắk Mil. 

Tơ̆ âu khŭl linh vei lăng tơring sơlam hlôi rôp tom măt Ngọc tŏk bŏk huơ̆r gre kŏng nŏng cho lơ kơthŭng tơ̆ lơ̆m đei mong tơmam jâu ‘noh tơmam kơ̆m. Hơlen lăng hrĕnh dôm kơthŭng, khŭl linh vei lăng tơring sơlam chă ƀôh hloh 400 kĭ hơ mlăi pơ kao tăh ôn lơ̆m 14 kơthŭng. Kiơ̆ đơ̆ng iung jang, Ngọc tơroi akhan răt kơ sô̆ hơ mlăi âu đơ̆ng 1 ‘nu bơngai tam mă băt hơdăh hơnăn păng hơnih oei, tŏk bŏk cho brŏk tăh ôn vă tĕch năr têt vă jê̆ truh.

Tơdrong hlôi đei khŭl linh vei lăng tơring sơlam Dak Nông chih pơkeh hla ar hô sơ, pơjao bơngai păng tơmam ăn Kŏng an apŭng Đắk Mil, dêh char Dak Nông hơnơ̆ng pơih să dăr hơlen, sek phak kiơ̆ tơdrong gơh jang.