VOV4.Bahnar - Ƀlep ƀât tơ băt 111 sơ năm Năr Ƀok Hô năm chă trong dŏng tĕh đak, tơ blăt 75 sơ năm Năr linh jĭ rơ ka, linh lôch tang tĕh đak, pơ gê (4/8), tơ̆ Anih ‘măn răk tơ mam Hồ Chí Minh, Khul tang măt ăn Radio nơ̆r pơ ma Việt Nam yoa Kơ dră jang lơ̆m Trung ương Đảng, Kơ dră chĕp kơ̆l Radio nơ̆r pơ ma Việt Nam, Đỗ Tiến Sỹ chĕp kơ̆l truh sŏh nhang, plang pơ kao ăn Ƀok Hô, sŏh nhang ƀlŏk hơ dơ̆r kơ đe linh lôch tang tĕh đak tơ̆ Pơ sat linh plt HCM. 

Khul ‘măn mĭnh pơ nĭt kơ kŭh kơ̆l, tơ ƀôh jơ hngâm đon kŭp yom hăm đe linh lôch tang tĕh đa

Hăm ƀĕnh jơ hngâm đon kŭp yom, Kơ dră chĕp kơ̆l Radio nơ̆r pơ ma Việt Nam Đỗ Tiến Sỹ păng khul tang măt, ‘măn 1 pơ nĭt kŭp kơ̆l păng sŏh plang nhang tơ ƀôh jơ hngâm đon ‘mêm kơ eng, kŭp yom tôch ai hăm kŏng tih tên đơ̆ng Ƀok Hô – Bơ ngai hlôi ‘măn đĭ jơ hnơr yoa kon pơ lei, yoa tĕh đak, yoa tơ drong tơ blăh iŏk rơ ngei ăn hơ drĕch hơ drung, pơ jing đei 1 tĕh đak kơ jăp ‘lơ̆ng. Đơ̆ng rŏng kơ sŏh plang nhang ăn Ƀok Hô, khul tang măt truh soh nhang tơ̆ pơ sat linh lôch tang tĕh đak kơ plt HCM tơ̆ groi ưh đei hơ năn lơ̆m plt Thủ Đức, anih ƀŭ vă jê̆ 14.500 ‘nu linh lôch tang tĕh đak.

Dơ̆ng: Tơ blơ̆