VOV4.Bahnar - Tơ̆ Học viện Lục quân (pơ lei tơm Đà Lạt, dêh char Lâm Đồng), rim anih jang lơ̆m tơ ring Quân khu 7 păng dêh char Ninh Thuận hlôi pơ gơ̆r Hop akŏm kĭ pơ kăp păng tơ lĕch tơ drong pơ kăp jang hơ dai lơ̆m bơ̆ jang kiơ̆ tơ drong Tơ chơ̆t kơ sô̆ 35 đơ̆ng Anih tơm Chĭnh trĭ găh hơ tŏk loi dơ̆ng vei lăng đon tơ chĕng đơ̆ng Đảng, iung jang tơ jră dôm tơ drong tơ chĕng glăi lơ̆m tơ drong ‘nao.

Lêh kĭ pơ kăp tơ lĕch jang Tơ drong tơ chơ̆t kơ sô̆ 35 đơ̆ng anih tơm Chĭnh trĭ

Lơ̆m khei ‘năr âu ki, tơ drong jang hnam trưng Đảng đơ̆ng Trung ương truh tơ ring, rim hnam trưng lơ̆m khŭl linh, Anih pơ gơ̆r jang 35 kơ rim anih jang đảng dêh char, anih jang đảng pơ lei tơm pơ ma atŭm, tơ ring Hơ lĕch pơ băh pơ ma hơ drô̆ ling lang băt hơ dăh iung jang tơ jră dôm tơ drong tơ chĕng glăi, pơm tơ blĕk, vei lăng tơ drong tơ chĕng đơ̆ng Đảng ‘noh jĭ hơ năp jang chĭnh trĭ tơm, kăl hloh. Ƀok Nguyễn Tấn Vinh, Phŏ Kơ dră vei lăng Học viện Chính trị tơ ring II akhan, vă jang kiơ̆ ‘lơ̆ng dôm tơ drong hơ găt, hơ năp jang păng trong jang lơ̆m Tơ drong tơ chơ̆t kơ sô̆ 35 đơ̆ng Anih tơm Chĭnh trĭ, kăl kơ tơ mơ̆t păng jang kiơ̆ đei yua dôm tơ drong jang hơ dai lăp lơ̆m tơ drong ‘nao.

Thuem: Tơ blơ̆