3 kơ̆l linh lôch tang ăn teh đak đei kôch iŏk tơ̆ 3 pơlei, đei: Thuận Hòa, Hàm Phú păng Phú Hòa găh xăh Hàm Thuận Bắc.

Tơdrong sir chă, kôch iŏk kơting linh lôch tang ăn teh đak đei pơgơ̆r đơ̆ng rŏng kơ Khul K75 iŏk đei nơ̆r tơroi tôch kăp gĭt đơ̆ng đe bôl boăl vang năm tơblăh hăm đe linh lôch tang ăn teh đak sơ̆. Dang ei khul linh oei hơnơ̆ng chă chih iŏk rim tơdrong tơroi, pơgơ̆r hơlen năng, tơblang hơdăh păng pơih xă tơring sir chă tơ̆ xăh Hàm Thuận Bắc.