VOV4.Bahnar - Kơ sơ̆ 6/10, tơ̆ Hà Nội, khul tang măt ăn Đảng bơ̆n yoa ƀok Lê Hoài Trung, Kơ dră jang lơ̆m Trung ương Đảng, Kơ dră Anih jang tơ bôl kơ Trung ương chĕp kơ̆l truh hop akŏm trư̆k tuyê̆n rim đảng lơ̆m apŭng plenh teh yoa Đảng tĕh đak Nga jing mĭnh pơ gơ̆r tơ̆ Sakhalinsk.

Jơ hop akŏm tơ̆ Anih pơih pơ dăh Hà Nội

Pơ ma tơ̆ hop akŏm, ƀok Lê Hoài Trung roi tơ băt 1,2 tơ drong vă jang tơm lơ̆m trong trong jang, tơ drong tơ gŭm jang tŏk kơ jăp ‘lơ̆ng đơ̆ng Việt Nam; pơ ma hơ dăh trong tơ gŭm jang tŏk kơ jăp ‘lơ̆ng đơ̆ng Việt Nam tơ ƀôh hơ dăh dôm trong yak ‘lơ̆ng đơ̆ng apŭng plenh tĕh hai, tơ gĕch iŏk, jang kiơ̆ lăp ‘lơ̆ng hăm dôm tơ drong đei tơ̆ Việt Nam hai, hăm đon pơ hnŏng ‘nŏh adrin pơ jing tơ pôl xã hội chủ nghĩa “Kon pơ lei pơ drŏng, teh đak pran, kon pơ lei pơm tơ ‘ngla, hơ tŏ ‘lơ̆ng, gơ̆h hơ gei”; pơ ma nuh truh 1,2 trong jang vă hơ tŏk tơ drong jang hơ doi hăm apŭng plenh tĕh yoa tơ drong tơm ‘nŏh khŏm jang tŏk kơ jăp ‘lơ̆ng, vei lăng ‘lơ̆ng cham char bri brăh păng jang hơ doi đơ̆ng rim khul đảng chinh trĭ.

VOV/Dơ̆ng tơ blơ̆