VOV4.Bahnar - Kơ sơ̆ ‘năr 14/4, Kơ dră Anih jang tơ roi tơ băt Trung ương hlôi đei jơ bơ̆ jang hăm Khŭl chĕp kơ̆l pơ gơ̆r Anih jang Đảng dêh char Quảng Ngãi. Kiơ̆ tơ roi tơ băt, jăl khei mă I sơ năm ‘nâu, akŏp thu iŏk jên jang teh đak lơ̆m dêh char Quảng Ngãi đei hloh 8.600 ti hlak jên, tŏk 56,5% pơ têng hăm khei ‘nâu sơ năm hơ drol. Tơ drong jang kơ măy kơ mŏk hơ nơ̆ng pơ vei jang tŏk, kơ sô̆ pơm tơ lĕch kơ măy kơ mŏk jăl khei mă I tŏk 6,8% pơ têng hăm khei ‘nâu kơ sơ năm hơ drol. Jên tĕch tơ mam ăn teh đak đe đei 533 triệu USD, tŏk 27,2% pơ têng hăm khei ‘nâu kơ sơ năm hơ drol.

Jơ bơ̆ jang

Thượng tướng Nguyễn Trọng Nghĩa, Bí thư Trung ương Đảng, Kơ dră Anih jang tơ roi tơ băt Trung ương lăng ‘lơ̆ng dôm jơ nei gĭt kăl đơ̆ng Đảng bộ, Khŭl kơ dră păng kon pơ lei dêh char Quảng Ngãi iŏk đei lơ̆m khei ‘năr âu ki; hơ dai hăm athei dêh char Quảng Ngãi hơ drin hloh dơ̆ng vă iŏk đei lơ jơ nei nhen tơ drong hơ găt tơ chơ̆t Hop akŏm bơ ngai tang măt Đảng bộ dêh char ‘măng mă XX hlôi tơ lĕch ăn. ‘Măng âu, Kơ dră Anih jang tơ roi tơ băt Trung ương kŭm hăm Khŭl bơ̆ jang hlôi năm soh nhang, dan kao tơ̆ Hnam soi bơ ngai nŭih mơng hơ drĕch hơ drŭng Trương Định; Anih gru groa Sơn Mỹ; Hơ nih pơ sat bơ ngai hŏk jrŭ ‘mêm kơ teh đak Huỳnh Thúc Kháng.

Thuem: Tơ blơ̆