VOV4.Bahnar - Hơ nơ̆ng tơ drong jang năm bơ̆ jang tơ̆ dôm dêh char Tây Nguyên, ‘năr 21-1, Bí thư Trung ương Đảng, Kơ dră Anih krao hơ vơn kon pơ lei Trung ương Bùi Thị Minh Hoài kŭm hăm khŭl bơ̆ jang hlôi vang akŏm tơ drong jang “ Pơ yan puih mak tơ ring sơ lam” păng năm ngôi, asong tơ mam ăn mĕ Việt Nam nuih mơng, ŭnh hnam teh đak tơ gŭm, bơ ngai oei sa hơ drô̆, ŭnh hnam mơ mat tat, kŏng nhân, bơ ngai jang lơ̆m dêh char Dak Lak ƀlep ƀơ̆t Têt Nguyên Đán Nhâm Dần 2022.

Asong gre tang vang ăn hŏk tro dơ nuh hin yak hloh mơ mat tat hŏk hơ gei

Khŭl hlôi vang akŏm tơ drong jang “ Pơ yan puih mak tơ ring sơ lam sơ năm 2022” yua đơ̆ng Trung ương đoàn hơ druh tơ dăm pơ gơ̆r tơ̆ apŭng sơ lam Buôn Đôn păng pơ jao hloh 200 tơ pu tơ mam, 500 triệu hlak jên, 20 tong gre tang vang, 20 kơ suơ̆t hŏk ƀŏng ăn hŏk tro dơ nuh hin yak hloh mơ mat tat păng ăn dôm ŭnh hnam teh đak tơ gŭm, bơ ngai dơ nuh hin, ŭnh hnam kon kông đei tơ drong arih sa mơ mat tat tơ̆ apŭng Buôn Đôn.

Kơ dră Anih krao hơ vơn kon pơ lei trung ương, Bùi Thị Minh Hoài vang nŭng ƀĕng chư̆ng asong ăn dôm ŭnh hnam dơ nuh hin đei tơ drong arih sa mơ mat tat

Năr âu mơ̆n, khŭl bơ̆ jang hlôi năm ngôi, pơ lung păng asong tơ mam Têt ăn rim kŏng nhân dơ nuh hin, kŏng nhân tơ ƀơ̆p mơ mat tat yua đơ̆ng ƀơm kơ nê̆ đơ̆ng jĭ COVID-19 lơ̆m dêh char.

Thuem: Tơ blơ̆