VOV4.Bahnar - Hơ nơ̆ng Hop akŏm lơ̆m teh đak tơ chĕng hơ len, hŏk pơ hrăm, vei kơ jăp tơ drong tơ chơ̆t Hop akŏm ‘măng mă 5 Khŭl chĕp kơ̆l Trung ương Đảng jăl 13, pơ gê ‘năr 22/7, Hop akŏm mơ̆ng Bơ ngai jang lơ̆m Anih tơm Chĭnh trĭ, Bí thư Trung ương Đảng, Kơ dră Anih pơ gơ̆r jang Trương Thị Mai tơ roi găh tơ drong tơ chơ̆t kơ sô̆ 21 găh hơ tŏk loi dơ̆ng hơ met ming pơ jing khŭl jang đảng tơ ring păng hơ tŏk ‘lơ̆ng khŭl đảng viên lơ̆m jăl jang ‘nao. Găh hơ năp jang, trong jang tơ̆ hơ năp kơnh, hăm hơ met ming, hơ tŏk ‘lơ̆ng tơ drong kĕ chĕp kơ̆l, kơ sư̆k iung jang đơ̆ng anih jang đảng tơ ring, tơ drong jang blŭng a ‘noh jĭ tơ plih ‘nao, hơ met tôm pơ gơ̆r jang dôm kơ loăi anih jang đảng tơ ring. Găh 1,2 hơ năp jang tơm tơ lĕch jang tơ drong tơ chơ̆t 21, yă Trương Thị Mai pơ ma hơ dăh tơ chĕng hơ len, pơm ‘lơ̆ng tơ drong tơ chơ̆t lăp hăm tơ drong yan âu đơ̆ng anih jang, khŭl jang, tơ ring, tơ klep hăm jang kiơ̆ tơ chơ̆t 21 găh pơ jing, hơ met ming Đảng.

Thuem: Tơ blơ̆