VOV4.Bahnar - Tơ̆ anih bơ̆ jang kơ Anih tơm jang tơ bôl, Kơ dră Anih tơm jang tơ bôl Bùi Thanh Sơn hlôii sơng phŏ kơ dră mă mônh Anih tơm jang tơ bôl Mi, yă Wendy Sherman ƀlep ƀơ̆t ‘măng năm tơ mang tơ̆ Việt Nam đơ̆ng ‘năr 10-13/6/2022. Tơ̆ jơ sơng, Kơ dră tơm pơ ma hơ dăh Việt Nam lăng Mi jĭ 1 lơ̆m dôm teh đak jang hơ dai gĭt kăl hloh; khŏm hơ dai hăm Mi pơ trŭt tơ drong pơ vei jang hơ dai tôm tơ drong, đei yua, ‘lơ̆ng kiơ̆ lơ̆m pơ yom hiôk hian, pơm tơm hơ găt teh păng trong jang chĭnh trĭ đơ̆ng băl. 2 păh pơ ma dơ nuh găh dôm trong jang hơ dăh pơ trŭt jang hơ dai lơ̆m dôm tơ drong jang 2 pang nhen pơ ma dơ nuh khŭl kơ dră kơ pal, tang găn jĭ hơ buh, tơ iung ming mŭk drăm - tơ pôl đơ̆ng rŏng jĭ hơ buh, pơ ma dơ nuh mơ dro sa - tơ mơ̆t jên jang, hơ met pơ ‘lơ̆ng hiong răm đơ̆ng tơ blăh vang sơ̆, tơ drong teh ming man anih bơ̆ jang tang măt. 2 păh kŭm pơ ma dơ nuh găh dôm tơ drong apŭng plĕnh teh păng tơ ring vang bơ ngơ̆t truh nhen dôm tơ drong pơ cheh tơ goăt tơ̆ tơ ring Châu Á - Thái Bình Dương păng Ấn Độ Dương, tơ drong Biển Đông, hơ tŏk tơ iung kơ jăp păng hơ tŏk loi dơ̆ng jang hơ dai pơ tho pơ hrăm tơ̆ tơ ring Mê Công, tơ drong Nga - Ukraine.

Thuem: Tơ blơ̆