VOV4.Bahnar - Kơ sơ̆ brei (16/6), Kơ dră Anih tơm vei lăng Kŏng an Tô Lâm sơng ƀok Nadav Eshcar, Kơ dră tang măt teh đak Israel tơ̆ Việt Nam, truh tơ ƀơ̆p tơ klăh ti ƀlep ƀơ̆t pơ tôch khei ‘năr bơ̆ jang tơ̆ Việt Nam. Tơ̆ jơ sơng, Kơ dră tơm Tô Lâm, Kơ dră Anih tơm vei lăng Kŏng an hmach kơ ƀok kơ dră tang măt hlôi pơ tôch khei ‘năr bơ̆ jang tơ̆ Việt Nam jơ nei ‘lơ̆ng hơ iă, tơ gop gĭt kăl lơ̆m tơ drong pơ trŭt, hơ tŏk tơ iung tơ drong pơ vei jang hơ dai đơ̆ng 2 teh đak pơ ma atŭm păng đơ̆ng Anih tơm vei lăng Kŏng an Việt Nam păng dôm anih jang kơ teh đak Israel pơ ma hơ drô̆. Kơ dră tang măt Nadav Eshcar bơ nê kơ Anih tơm vei lăng Kŏng an Việt Nam păng Kơ dră tơm Tô Lâm hlôi ‘măn lơ tơ drong ‘mêm ‘lơ̆ng hơ iă hloh ăn teh đak Israel păng ăn kơ dih kâu ƀok lơ̆m khei ‘năr bơ̆ jang tơ̆ Việt Nam, hmach kơ tơ drong pơ vei jang hơ dai Israel-Việt Nam roi ‘năr roi hơ tŏkt ơ iung, iŏk đei lơ jơ nei ‘lơ̆ng hơ iă lơ̆m đĭ đăng dôm tơ drong jang.

Thuem: Tơ blơ̆