VOV4.Bahnar - Pơ gê ‘năr 29/3, Anih vei lăng kon pơ lei dêh char Dak Lak pơ gơ̆r tơ drong jang pơ ma dơ nuh hăm hơ druh tơ dăm găh hơ năn “ hơ druh tơ dăm dêh char Dak Lak tơ iung tơ drong jang sa”. Tơ̆ jơ pơ ma dơ nuh, đe hơ druh tơ dăm hlôi tơ roi lơ nơ̆r apĭnh găh trong jang tơ gŭm ‘măn ăn kơ đe hơ druh tơ dăm lơ̆m kơ plăh tơ iung tơ drong jang sa. Tơ drong tơm akŏm găh tơ drong jên tŏk iŏk, tơ drong jang, hŏk tơ drong jang, ăn năm jang tơ̆ teh đak đe, pơ tho hŏk tơ drong jang ăn bơ ngai jang tơ ring tơ rang; dôm trong jang tơ gŭm pơm tưk jơ hngơ̆m vă hơ tŏk tơ iung mŭk drăm lơ̆m đoàn viên hơ druh tơ dăm, mă loi ‘noh jĭ hơ druh tơ dăm kon kông, jo jăn...

Lơ tơ drong đei kơ dră chĕp kơ̆l rim anih jang tơl nơ̆r kơ tă tơ̆ jơ pơ am dơ nuh

Tơ̆ jơ pơ ma dơ nuh, kŭm hăm dôm nơ̆r tơ gop, apĭnh hlôi đei pơ ma dơ nuh kơ tă hăm hơ druh tơ dăm, yă H Yim Kđoh, Phŏ Kơ dră Anih vei lăng kon pơ lei dêh char Dak Lak athei rim anih jang hơ nơ̆ng đei dôm tơ drong tơ chĕng hơ len, tơ̆l nơ̆r hăm hla ar dôm tơ drong oei đei dơ̆ng hơ drol kơ ‘năr 10/4 truh âu kơnh.

Thuem: Tơ blơ̆