VOV4.Bahnar - ‘Năr 26/5, Kơ dră chĕp kơ̆l Ban Bí thư Võ Văn Thưởng pơ ma đam trư̆k tuyê̆n hăm ƀok Roberto Morales Ojeda – Kơ dră chĕp kơ̆l Ban Bí Thư Đảng Cộng sản Cuba. Ƀok Võ Văn Thưởng roi tơ băt dôm tơ drong iŏk đei lơ̆m tơ drong jang tang găn jĭ, jang atŏk tơ iung mŭk drăm kơ Việt Nam, adrin jang ‘lơ̆ng tơ drong Tơ chơ̆t đơ̆ng Hop akŏm mă XIII kơ Đảng.

Ƀok Roberto Morales Ojeda hơ iă hăm dôm tơ drong mă Việt Nam jang đei lơ̆m khei ‘năr âu ki, tơ ƀôh đon lui hăm tơ drong chĕp kơ̆l pơ gơ̆r đơ̆ng Đảng Cộng sản Việt Nam, kon pơ lei Việt Nam gô jang đei dôm tơ drong tơm mă Hop akŏm ‘măng mă XIII kơ Đảng Cộng sản Việt Nam hlôi tơ lĕch.

Ƀok Roberto Morales Ojeda kŭm pơ ma truh dôm trong jang gĭt kăl, dôm tơ drong tơ gŭm găh rim tơ drong đơ̆ng rŏng 1 sơ năm bơ̆ jang kiơ̆ tơ drong tơ chơ̆t đơ̆ng Hop akŏm mă VIII kơ Đảng Cộng sản Cuba, trong jang tơ bôl đơ̆ng Cuba păng dôm tơ drong kăl vă pơ ‘nhŏ hơ drol lơ̆m tơ drong jang atŏk tơ iung mŭk drăm, tơ pôl tơ̆ hơ năp kơnh.

Dơ̆ng: Tơ blơ̆