VOV4.Bahnar - Lơ̆m ‘măng năm hơ pong tơ̆ Hàn Quốc đơ̆ng Khul tang măt ăn Đảng Cộng sản Việt Nam, Kơ dră jang lơ̆m Anih tơm Chinh trĭ, Kơ dră chĕp kơ̆l Ban Bí thư Võ Văn Thưởng păng khul đei jơ pơ ma nuh hăm ƀok Han Duck-soo, Thủ tướng tĕh đak Hàn Quốc.

Thủ tướng Hàn Quốc Han Duck-soo sơng Kơ dră chĕp kơ̆l Ban Bí thư Võ Văn Thưởng

Kơ dră chĕp kơ̆l Ban Bí thư Võ Văn Thưởng pơ ma tơ lĕch lơ nơ̆r vă pơm hơ tŏk tơ drong pơ vei đơ̆ng 2 tĕh đak, lơ̆m nŏh hơ tŏk tơ drong pơ gơ̆r ăn khul kuan tih tơ ƀâp, pơ ma nuh hăm băl, atŏk tơ iung tơ drong pơ vei đơ̆ng Đảng Cộng sản Việt Nam hăm dôm khul đảng kơ Hàn Quốc, pơih xă tơ drong jang hơ doi đơ̆ng dôm anih tơm, anih jang kơ pal, tơ ring tơ rang, pơ gơ̆r ăn kon pơ lei tơ ƀâp băl, hơ tŏk tơ drong tơ mât jên jang đơ̆ng dôm anih tĕch mơ dro Hàn Quốc tơ̆ Việt Nam, tơ rĕk truh tơ drong pơ tho tơ ƀôh kơ măy kơ mŏk păng atŏk tơ iung kơ măy pơ vih pơ văn, hơ tŏk tơ drong tĕch mơ dro 2 pang kiơ̆ trong hơ tŏ ‘lơ̆ng, pơih xă tơ drong jang hơ doi găh bơ ngai jang, tơ rĕk truh tơ̆ kon pơ lei Việt Nam.

Dơ̆ng: Tơ blơ̆