VOV4.Bahnar - 1. Pơ gê ‘năr 28/7, ƀok Võ Văn Thưởng, Bơ ngai jang lơ̆m Anih tơm Chĭnh trĭ, Kơ dră chĕp kơ̆l pơ gơ̆r Ban Bí thư păng Khŭl bơ̆ jang kơ Trung ương hlôi đei jơ bơ̆ jang hăm Khŭl chĕp kơ̆l pơ gơ̆r Anih jang Đảng dêh char Bình Định. Kiơ̆ tơ roi tơ băt 2 sơ năm âu ki, dêh char Bình Định hlôi akŏm pơ gơ̆r tơ chĕng hơ len, hŏk pơ hrăm, vei kơ jăp, tơ roi tơ băt păng tơ lĕch jang kiơ̆ tơ drong tơ chơ̆t hop akŏm bơ ngai tang măt lơ̆m teh đak ‘măng mă XIII kơ Đảng. Lơ̆m dêh char hlôi pơ gơ̆r 507 lăm vei kơ jăp, hŏk pơ hrăm, tơ lĕch jang kiơ̆ tơ drong tơ chơ̆t hăm hloh 65 rơ bâu ‘nu kang ƀô̆, đảng viên vang akŏm, iŏk đei kơ sô̆ hloh 98%. 

Kơ dră chĕp kơ̆l pơ gơ̆r Ban Bí thư Võ Văn Thưởng làm việc tại Bình Định

Tơ̆ jơ bơ̆ jang, ƀok Võ Văn Thưởng, Bơ ngai jang lơ̆m Anih tơm Chĭnh trĭ, Kơ dră chĕp kơ̆l pơ gơ̆r Ban Bí thư athei, tơ̆ hơ năp kơnh Bình Định hơ nơ̆ng akŏm vei kơ jăp, jang kiơ̆ dôm tơ drong tơ chơ̆t, pơ tôch, athei đơ̆ng Đảng, mă loi ‘noh jĭ dôm tơ drong tơ chơ̆t đơ̆ng rŏng Hop akŏm bơ ngai tang măt lơ̆m teh đak ‘măng mă XIII truh dang ei, lơ̆m noh mă kăl ‘noh jĭ hơ tŏk loi dơ̆ng tơ drong jang vei lăng đảng viên lơ̆m tơ ring.

Thuem: Tơ blơ̆