Tơ băt 30 sơnăm pơ jing Anih mong jên VIFOTEC păng sơng iŏk Mê đai bơ̆ jang dơ̆ng mă mônh. Pơ ma tơ̆ jơ pơm lêh, Kơ dră Kuôk hô̆i Vương Đình Huệ lui ngeh, Anih mong jên VIFOTEC gô hơ nơ̆ng tơ lĕch tơ drong hơ iă ăn dôm tơ drong hưch hanh tơ chĕh hơ len khoa hŏk kơ măy kơ mŏk lơ̆m rim răih kon pơ lei, tơ iung tơ drong hưch hanh kơ pơ cheh hơ gei hăm jơ hnơr mơ lôh lơ̆m teh đak, tơ gŭm đe oh jing dôm tơ ‘ngla, bơ ngai pơ cheh tơ̆ hơ năp kơnh, tơ gop gĭt kăl vă pơ jing teh đak hơ nŭk hơ noa păng hơ tŏk tơ iung.

Kơ dră Kuôk hô̆i Vương Đình Huệ pơ jao tơ mam pôk hơ păh 4 yaih mônh VIFOTEC

Vă tơ iung hloh dơ̆ng tơ drong hưch hanh tơ chĕng hơ len, kơ sư̆k pơcheh, pơ trŭt hơ tŏk tơ iung khoa hŏk kơ măy kơ mŏk teh đak, Kơ dră Kuôk hô̆i athei, Anih mong jên akŏm hơ tŏk ‘lơ̆ng, bưng ai đơ̆ng dôm tơ mam hơ păh, tơ drong pơ ‘long; hơ nơ̆ng lăng kăl lơ̆m dôm tơ drong jang, trong jang găh dôm tơ drong jang khoa hŏk kơ măy kơ mŏk đei tơ mơ̆t yua ‘lơ̆ng; 1,2 tơ drong jang đơ̆ng akhoa hŏk tự nhiên hăm khoa hŏk ki thuơ̆t păng kơ măy kơ mŏk; dôm tơ drong jang. Đei 45 tơ drong jang hơ gei hloh hlôi đei iŏk tơ mam pôk hơ păh Pơ cheh hơ gei khoa hŏk kơ măy kơ mŏk Việt Nam sơnăm 2021.