VOV4.Bahnar - Drơ̆m kơ sơ̆ ‘năr 24/3, tơ̆ Hnam Kuôk hô̆i, Kơ dră Kuôk hô̆i Vương Đình Huệ hlôi pơ gơ̆r jơ bơ̆ jang kơ Đảng khŭl Kuôk hô̆i hăm Khŭl chĕp kơ̆l pơ gơ̆r Anih jang Đảng Kŏng an Trung ương găh 1,2 tơ drong oei lơ nơ̆r tơ gop pha ra băl găh dôm Luơ̆t, hla ar chih ming tơ drong Tơ chơ̆t đơ̆ng Kuôk hô̆i yua đơ̆ng Anih tơm vei lăng Kŏng an pơ gơ̆r chih hơ met, pơ truh ăn Kuôk hô̆i tơ̆ ‘măng hop akŏm mă Pêng, Kuôk hô̆i jăl XV; pơ tôch jang kiơ̆ dôm tơ drong Tơ chơ̆t đơ̆ng Kuôk hô̆i, tơ drong tơ chơ̆t jang hơ dai đơ̆ng Anih tơm vei lăng Kŏng an hăm Jơ nŭm vei lăng hơ drĕch hơ drŭng, dôm anih jang kơ Kuôk hô̆i; 1,2 nơ̆r tơ lĕch hăm Đảng khŭl Kuôk hô̆i, Anih chĕp kơ̆l pơ gơ̆r Kuôk hô̆i lơ̆m tơ drong jang tơ gŭm, pơ jing khôi luơ̆t đơ̆ng Anih tơm vei lăng Kŏng an, mă loi ‘noh lơ̆m tơ drong pơ jing dôm tơ drong hơ găt ƀơm truh tơ drong jang sơ đơ̆ng, khŭl linh. Pơ ma tơ̆ jơ bơ̆ jang, Kơ dră Kuôk hô̆i Vương Đình Huệ hơ len lăng hơ năp jang hơ drin đơ̆ng kŏng an hăm tơ drong đơ̆ng kuôk hô̆i; akhan 2 păh kăl hơ tŏk loi dơ̆ng jang hơ dai tơ roi tơ băt, vă tơ gŭm ăn dôm tơ drong jang đơ̆ng Kuôk hô̆i lơ̆m tơ drong jang kiơ̆ pơ jing khôi luơ̆t, dăr hơ len gĭt kăl, tơ chơ̆t dôm tơ drong gĭt kăl kơ teh đak păng tơ drong jang tơ bôl.

Thuem: Tơ blơ̆