VOV4.Bahnar - Pơ gê 24/2, tơ̆ Hnam Kuô̆k hô̆i, Kơ dră Kuô̆k hô̆i Vương Đình Huệ bơ̆ jang hăm Khul dăr lăng đơ̆ng Anih chĕp kơ̆l pơ gơ̆r Kuô̆k hô̆i găh “Tơ drong jang kiơ̆ tơ drong tơ chơ̆t đơ̆ng Anih chĕp kơ̆l pơ gơ̆r Kuô̆k hô̆i hơ met ming dôm anih jang hanh chĭnh tơ̆ apŭng, xăh đơ̆ng 2019 – 2021”.

Jơ hop akŏm hăm tơ drong pơ gơ̆r đơ̆ng Kơ dră Kuô̆k hô̆i Vương Đình Huệ

Pơ ma lơ̆m jơ bơ̆ jang, Kơ dră Kuô̆k hô̆i Vương Đình Huệ drơ̆ng nơ̆r hăm trong vă jang, đei tơ lĕch tôch rơ đăh tơ̆ hơ năp kơnh đơ̆ng Khul dăr hơ len, Kơ dră Kuô̆k hô̆i tơ tă athei hơ nơ̆ng tơ chĕng hơ len mă brĕ hla ar chih đơ̆ng dôm anih tơm, anih jang kơ pal, tơ ring tơ rang, mă loi jĭ hla ar chih đơ̆ng Khul tang măt Kuô̆k hô̆i păng Jơ nŭm pơ gơ̆r kon pơ lei, Anih MTTQ dôm dêh char, plt găh Trung ương. 

Kơ dră Kuô̆k hô̆i oei athei pơm hơ dăh hơ năp chĕp kơ̆l pơ gơ̆r đơ̆ng anih jang đảng, mă loi đơ̆ng bơ ngai chĕp kơ̆l dôm tơ ring mưh bơ̆ jang kiơ̆ trong hơ met ming anih jang hanh chĭnh tơ̆ apŭng, xăh, chih iŏk dôm ƀai hŏk kăl vă tơ lĕch jang đei yoa ‘lơ̆ng tơ̆ hơ năp kơnh.

Dơ̆ng: Tơ blơ̆