VOV4.Bahnar - Drơ̆ng nơ̆r krao hơ vơn đơ̆ng Kơ dră Kuôk hô̆i Vương Đình Huệ, Khŭl tang măt gĭt kăl kơ Kuôk hô̆i teh đak Campuchia yua đơ̆ng kơ dră Heng Samrin chĕp kơ̆l gô năm tơ mang tơ̆ Việt Nam.

Kơ dră Kuôk hô̆i Campuchia Heng Samrin

Kiơ̆ roi tơ băt đơ̆ng Kuôk hô̆i Campuchia, drơ̆ng nơ̆r krao hơ vơn đơ̆ng Kơ dră Kuôk hô̆i teh đak Cộng hòa Xã hội Chủ nghĩa Việt Nam păng Kơ dră Kuôk hô̆i teh đak Cộng hòa Dân chủ Nhân dân Lào, khŭl tang măt gĭt kăl kơ Kuôk hô̆i Campuchia yua đơ̆ng Kơ dră Heng Samrin chĕp kơ̆l gô năm tơ mang tơ̆ Việt Nam đơ̆ng ‘năr 12 truh ‘năr 14 khei 09 sơ năm 2022 păng năm tơ mang tơ̆ Lào đơ̆ng ‘năr 14 truh ‘năr 16 khei 09 sơ năm 2022 vă hơ tŏk loi dơ̆ng tơ drong pơ vei tơ bôl păng jang hơ dai đơ̆ng Kuôk hô̆i Campuchia hăm Kuôk hô̆i Việt Nam păng Lào.

Thuem: Tơ blơ̆