VOV4.Bahnar - Khul tang măt ăn Kuô̆k hô̆i Cộng hòa Mozambique yoa Kơ dră Kuô̆k hô̆i Mozambique chĕp kơ̆l hlôi truh tơ̆ anih tơm Hà Nội, pơ tơm năm hơ pong tơ̆ Việt Nam đơ̆ng ‘năr 18-23/6 kiơ̆ nơ̆r krao đơ̆ng Kơ dră Kuô̆k hô̆i Vương Đình Huệ. ‘Măng năm hơ pong tơ̆ Việt Nam đơ̆ng Kơ dră Kuô̆k hô̆i kŭm hăm Khul tang măt Kuô̆k hô̆i Cộng hòa Mozambique vă hơ met kơ jăp păng tưk tơ iung hlŏh dơ̆ng tơ drong pơ vei ‘lơ̆ng hơ iă đơ̆ng sơ̆ păng jang hơ doi lơ tơ drong đơ̆ng 2 tĕh đak, atŭm hăm ‘nŏh pơm hơ tŏk tơ drong pơ vei, jang hơ doi đơ̆ng Kuô̆k hô̆i Việt Nam păng Kuô̆k hô̆i Mozambique.

Bí thư đảng dêh char Quảng Ninh sơng Kơ dră Kuô̆k hô̆i Mozambique

Ƀlep ƀât ‘măng năm hơ pong tơ̆ Việt Nam, khul tang măt Kuô̆k hô̆i tĕh đak Cộng hoà Mozambique truh hơ pong păng bơ̆ jang hăm dêh char Quảng Ninh. Hăm tơ drong pơ vei ‘lơ̆ng hơ iă đơ̆ng sơ̆ păng jang hơ doi lơ tơ drong đơ̆ng 2 tĕh đak, Kơ dră Kuô̆k hô̆i tĕh đak Cộng hoà Mozambique lui ‘măng năm hơ pong mă âu gô pơm hơ tŏk hlŏh dơ̆ng tơ drong pơ vei, jang hơ doi đơ̆ng Mozambique păng Việt Nam pơ ma atŭm păng hăm dêh char Quảng Ninh pơ ma adrô̆, mă loi jĭ găh tơ drong choh jang xa, kơ măy kơ mŏk roi tơ băt.

Dơ̆ng: Tơ blơ̆