VOV4.Bahnar - Kơ sơ̆ 24/7, tơ̆ Hà Nội, Kơ dră Kuô̆k hô̆i Vương Đình Huệ truh hop akŏm roi tơ băt tơ drong tơ chơ̆t đơ̆ng Anih tơm Chinh trĭ păng Tơ drong tơ chơ̆t đơ̆ng Anih chĕp kơ̆l pơ gơ̆r Kuô̆k hô̆i găh tơ drong jang kăn ƀô̆.

Tơ̆ hop akŏm, Phŏ Kơ dră Anih pơ gơ̆r Trung ương, Kơ dră Anih vei lăng bơ ngai tang măt Nguyễn Thị Thanh roi tơ băt tơ drong Tơ chơ̆t đơ̆ng Anih tơm Chinh trĭ găh asong ƀok Ngô Văn Tuấn pơ dơ̆h jang lơ̆m Khul kơ dră chĕp kơ̆l pơ gơ̆r, pơ dơ̆h pơm Bí thư đảng dêh char Hòa Bình, Kơ dră chĕp kơ̆l Khul tang măt Kuô̆k hô̆i dêh char Hòa Bình iŏk jang kơ chư̆k pơm Bí thư Khul kơ dră chĕp kơ̆l Đảng Anih jô̆ hơ len jên tĕh đak; Tơ drong tơ chơ̆t đơ̆ng Anih chĕp kơ̆l pơ gơ̆r Kuô̆k hô̆i pôk ƀok Ngô Văn Tuấn pơm Phŏ Kơ dră Anih jô̆ hơ len jên tĕh đak, vei lăng găh tơ drong jô̆ hơ len jên tĕh đak.

Pơ ma lơ̆m hop akŏm, Kơ dră Kuô̆k hô̆i Vương Đình Huệ athei ƀok Ngô Văn Tuấn jăh hơ len rim tơ drong jang tơ̆ anih, kŭm hăm Khul kăn ƀô̆ chĕp kơ̆l, anih jang Đảng, kơ dră Anih jô̆ hơ len jên tĕh đak pơ gơ̆r bơ̆ jang mă pran ‘lơ̆ng, dôm tơ drong jang đei pơ jao.

Dơ̆ng: Tơ blơ̆