VOV4.Bahnar - Sơng Khul đơ̆ng Anih vei lăng tĕch mơ dro hăm apŭng plenh tĕh kơ Nghị viện Châu Âu yoa ƀok Bernd Lange chĕp kơ̆l năm hơ pong păng bơ̆ jang tơ̆ Việt Nam, Kơ dră Kuô̆k hô̆i Vương Đình Huệ pơ ma hơ dăh, Kuô̆k hô̆i păng dôm anih jang kơ pal kơ Việt Nam ‘mĕh jang hơ doi hăm Jơ nŭm châu Âu vă athei dôm tĕh đak nai kơ EU jăh kĭ păng tơ lĕch jang kiơ̆ Tơ drong tơ chơ̆t tĕch mơ dro hiôk hian đơ̆ng Việt Nam (EVFTA) - EU.

Kơ dră Kuô̆k hô̆i sơng bơ ngai tang măt đơ̆ng Anih vei lăng tĕch mơ dro hăm apŭng plenh tĕh kơ Nghị viện Châu Âu

Kơ dră Kuô̆k hô̆i Vương Đình Huệ akhan, ‘măng năm hơ pong đơ̆ng Khul jang kơ Anih vei lăng tĕch mơ dro hăm apŭng plenh tĕh kơ Nghị viện Châu Âu đei ƀât mă Việt Nam păng EU đei tơ drong pơ vei ‘lơ̆ng, tôch đei yoa găh rim tơ drong jang chinh trĭ, tơ bôl, vei sơ đơ̆ng, khul linh, mŭk drăm păng lơ tơ drong nai hai.

Kơ dră Kuô̆k hô̆i athei, EU hơ nơ̆ng iŏk jang tơ drong jang tơm vei lăng rơ ngei, sơ đơ̆ng ‘lơ̆ng tơ̆ trong đak dơ sĭ păng trong gre păr tơ̆ đak dơ sĭ biển Đông; pơm pơ ‘lơ̆ng hlŏh dơ̆ng tơ drong pơ vei đơ̆ng Việt Nam hăm EU kŭm hăm dôm tĕh đak lơ̆m dôm khul grŭp lơ pang; hơ nơ̆ng hơ tŏk tơ drong jang hơ doi đơ̆ng EU păng ASEAN, mă loi ‘nŏh hơ tŏk hơ năp jang đơ̆ng ASEAN tơ̆ Ấn Độ Dương păng Thái Bình Dương.

Dơ̆ng: Tơ blơ̆