VOV4.Bahnar - Kơ sơ̆ ‘năr 12/5, Kơ dră Kuô̆k hô̆i Vương Đình Huệ sơng GS.TS Viêng Thoong Sỉ-Phẳn-Đon, Kơ dră chĕp kơ̆l Anih tơm sek tơ lang kon pơ lei Lào năm hơ pong tơ̆ Việt Nam. Kơ dră pơ ma hơ dăh, ‘măng năm hơ pong âu tôch gĭt kăl ƀât mă 2 tĕh đak oei hơ met vă tơ băt năr pơ jing tơ drong pơ vei jang tơ bôl gĭt kăl păng năr kĭ pơ kăp pơm tơ bôl jang hơ doi Việt Nam-Lào.

Dôm ‘măng pơ ma nuh đơ̆ng khul jang kơ pal kơ 2 tĕh đak oei tơ lĕch tôch ‘lơ̆ng; atŭm hăm ‘nŏh hơ pơi ‘mĕh hăm tơ drong jang ‘nao, ƀok jang đang ‘lơ̆ng, kŭm hăm Anih tơm sek tơ lang kon pơ lei Việt Nam tơ gop hơ met kơ jăp, tưk tơ iung hlŏh dơ̆ng tơ drong pơ vei đơ̆ng 2 tĕh đak. Kơ dră Kuô̆k hô̆i hơ pơi ‘mĕh, Anih sek tơ lang kơ 2 tĕh đak tưk tơ iung dôm tơ drong hlôi jang đei, hơ nơ̆ng pơm hơ tŏk tơ drong đei yoa mưh bơ̆ jang tơ̆ hơ năp kơnh. Hăm hơ năp jang đơ̆ng kơ dih, Kơ dră Kuô̆k hô̆i tơ gŭm vă 2 anih jang hơ nơ̆ng pơm hơ tŏk tơ drong jang hơ doi tơ̆ hơ năp kơnh.

Dơ̆ng: Tơ blơ̆