VOV4.Bahnar - Drơ̆m kơ sơ̆ ‘năr 20/1, tơ̆ Hnam Kuôk hô̆i, Kơ dră Kuôk hô̆i Vương Đình Huệ sơng yă Márta Mátrai, Phŏ Kơ dră mă mônh Kuôk hô̆i Hungary tŏk bŏk tơ mang bơ̆ jang tơ̆ Việt Nam. Kơ dră Kuôk hô̆i Vương Đình Huệ kơ kuh chơt hơ iă kơ yă Phŏ kơ dră mă mônh Kuôk hô̆i păng Khŭl năm tơ mang, bơ̆ jang tơ̆ Việt Nam gô bơ ngơ̆t, pơ trŭt tơ lĕch jang păng dăr hơ len tơ drong jang Hungary hlôi ‘măn 500 triệu EURO jên ODA ăn 1,2 tơ drong jang găh rim tơ drong jang tơ gŭm hơ drol jang hơ dai đơ̆ng 2 teh đak kŭm nhen 200 hŏk ƀŏng rim sơ năm ăn sinh viên Việt Nam kiơ̆ hŏk rim tơ drong jang mŭk drăm, ki thuơ̆t gĭt kăl; hơ dai hăm ‘noh tơ gŭm tơ drong đei anih joh ayŏ Hungary tơ̆ Việt Nam, hơ mĕng ‘nâu gô jing hơ nih sơng lơ sinh viên so hlôi đei hŏk tơ̆ Hungary păng kon pơ lei Việt Nam. Kơ dră Kuôk hô̆i Vương Đình Huệ tơ lĕch, tơ̆ hơ năp kơnh, 2 păh gô kĭ dơ̆ng tơ drong drơ̆ng nơ̆r jang hơ dai đơ̆ng 2 Kuôk hô̆i 1 trong tôm tong hloh.

Thuem: Tơ blơ̆