VOV4.Bahnar - Drâm kơ sơ̆ 3/6, Tivi Kuô̆k hô̆i Việt Nam roi tơ ƀôh rup tơ băt ‘nao păng anih pơih kênh 7. Tang măt ăn kơ dră chĕp kơ̆l Kuô̆k hô̆i, Anih chĕp kơ̆l pơ gơ̆r Kuô̆k hô̆i, Kơ dră Kuô̆k hô̆i chơt hơ iă hăm dôm tơ drong iŏk đei tôch gĭt kăl lơ̆m tơ drong tơ plih ‘nao, hơ tŏk tơ drong ‘lơ̆ng, hơ iă mưh roi tơ ƀôh lơ̆m Tivi Kuô̆k hô̆i Việt Nam; pơm lăp hăm tơ drong athei đơ̆ng Kuô̆k hô̆i, Anih chĕp kơ̆l kơ pơ gơ̆r Kuô̆k hô̆i, lăp hăm tơ drong ‘mĕh vă đơ̆ng bơ ngai tăh hla păng kon pơ lei.

Kơ dră Kuô̆k hô̆i Vương Đình Huệ vang truh hăm jơ pơm lêh roi tơ băt

Kơ dră Kuô̆k hô̆i Vương Đình Huệ akhan, ‘nâu jĭ dôm tơ drong tôch gĭt kăl vă Tivi Kuô̆k hô̆i Việt Nam tơ ƀôh hơ dăh anih dơ̆ng, hơ năp jang, jing gơng tơ ƀưh đơ̆ng Kuô̆k hô̆i, bơ ngai tang măt Kuô̆k hô̆i hăm bơ ngai tăh hla păng bơ ngai lăng tivi lơ̆m tĕh đak. Kơ dră Kuô̆k hô̆i Vương Đình Huệ tơ tă, tơ plih ming rup tơ băt ‘nao athei pơm ‘nao hloi đon pơ hnŏng, đon tơ năp păng bơ̆ jang gơ̆h hơ gei.

Dơ̆ng: Tơ blơ̆