VOV4.Bahnar - Kơ sơ̆ ‘năr 26/8, tơ̆ Hnam Kuôk hô̆i, Khŭl jang khoa hŏk kơ Anih chĕp kơ̆l pơ gơ̆r Kuôk hô̆i jang hơ dai hăm Anih jang Mŭk drăm kơ Kuôk hô̆i, Anih tơm vei lăng găh Tơ mam drăm păng Cham char, Anih tơ chĕng hơ len pơ jing khôi luơ̆t păng Khŭl Luật gia Việt Nam vang pơ gơ̆r Hop akŏm “ Tơ gop nơ̆r ăn Luơ̆t Teh ( hơ met ming) kiơ̆ Tơ drong tơ chơ̆t đơ̆ng Anih chĕp kơ̆l pơ gơ̆r Trung ương Đảng jăl XIII”. Hop akŏm yua đơ̆ng Kơ dră Kuôk hô̆i Vương Đình Huệ păng dôm Phŏ Kơ dră Kuôk hô̆i pơ gơ̆r.

Hop akŏm ‘măng âu đei pơ gơ̆r vă hơ vơn, hơ tŏk hơ năp jang, đon hơ gei đơ̆ng dôm bơ ngai joăt jang, bơ ngai jang khoa hŏk, bơ ngai vei lăng, dôm bơ ngai đei tơ drong hlôh vao tơ pă yan âu lơ̆m lơ tơ drong jang vang mơ̆t lơ̆m tơ drong tơ gop nơ̆r, chih pơ keh Luơ̆t teh ( hơ met ming). Pơ tôch Hop akŏm gô đei anih chĕp kơ̆l kơ Khŭl jang khoa hŏk kơ Anih chĕp kơ̆l pơ gơ̆r Kuôk hô̆i akŏm tơ roi tơ băt kơ rim anih jang gơh kĭ ăn vă tơ chĕng hơ len, tơ gop pơ yua ăn tơ drong Kuôk hô̆i set hơ len, pơ ma dơ nuh Luơ̆t teh ( hơ met ming) tơ̆ hơ năp kơnh.

Thuem: Tơ blơ̆