VOV4.Bahnar - Lơ̆m jơ năr năm tơ mang tơ̆ teh đak Anh, ‘năr 30/6, Kơ dră Kuôk hô̆i Vương Đình Huệ hlôi vang năm hop akŏm jang hơ dai pơ tho pơ hrăm Việt Nam  - Anh. Pơ ma tơ̆ hop akŏm, Kơ dră Kuôk hô̆i Vương Đình Huệ akhan, pơ tho pơ hrăm ‘noh trong jang kăl hloh tơ̆ Việt Nam, hơ tŏk tơ iung pơ tho pơ hrăm đei băt hơ dăh ‘noh jĭ 1 lơ̆m 3 tơ drong ‘lơ̆ng vă bơ̆ jang kiơ̆ tơ drong jang hơ tŏk tơ iung mŭk drăm - tơ pôl kơ Việt Nam. Hop akŏm găh pơ tho pơ hrăm, 1 tơ drong hơ yơ ‘noh oei gĭt kăl hloh kơ dôm tơ drong ƀơm truh mơ dro sa, mŭk drăm, tơ mơ̆t jên jang.

Kơ dră Kuôk hô̆i Vương Đình Huệ pơ ma tơ̆ hop akŏm

Kơ dră Kuôk hô̆i ‘meh vă, 2 păh kăl kơ bơ ngơ̆t truh 1,2 tơ drong jang nhen: Khŭl kơ dră teh đak Anh hơ nơ̆ng tơ gŭm ăn tơ drong pơ tho păng hŏk nơ̆r Anh tơ̆ Việt Nam, hơ nơ̆ng hơ tŏk hŏk ƀŏng ăn sinh viên Việt Nam; hơ tŏk lơ kơ sô̆ dôm tơ drong jang hơ dai pơ tho pơ hrăm hăm dôm hnam trưng đăi hŏk tih kơ Anh, lơ̆m noh đei bơ ngơ̆t truh tơ drong jang khoa hŏk, kơ măy kơ mŏk păng pơ tho pơ hrăm jăl tiến sĩ.

Thuem: Tơ blơ̆