VOV4.Bahnar - Kơ sơ̆ 12/7, Kơ dră Kuô̆k hô̆i Vương Đình Huệ đei jơ bơ̆ jang hăm Khul kơ dră chĕp kơ̆l đảng dêh char Phú Thọ. Kơ dră Kuô̆k hô̆i Vương Đình Huệ chih răk, pôk pơ ư păng tơ chĕng ‘lơ̆ng dôm tơ drong jang đei mă Đảng ƀô̆, khul kơ dră pơ gơ̆r păng kon pơ lei dôm hơ drĕch hơ drung dêh char Phú Thọ hlôi iŏk đei lơ̆m khei ‘năr âu ki. Tơ drong jang tŏk mŭk drăm roi ‘lơ̆ng mă lei oei tam mă tơ găl hăm tơ drong pran ‘lơ̆ng tơ̆ dêh char, tơ drong pơ jing tơ ring kơ drâm oei hiơ̆…

Jơ bơ̆ jang đơ̆ng Kơ dră Kuô̆k hô̆i hăm dêh char Bắc Kạn

Kơ dră Kuô̆k hô̆i hơ pơi ‘mĕh, dêh char Phú Thọ năng kăl truh tơ drong jang tŏk mŭk drăm ‘moi kiơ̆ tơ drong juăt, jŏh ayŏ kơ dŏ xoang đơ̆ng sơ̆ kơ hơ drĕch hơ drung. Phú Thọ tơ chĕng hơ len, tơ iung tơ drong ‘nâu lơ̆m tơ drong jang tŏk mŭk drăm, tơ pôl kơ dêh char. Tơ drong ‘nâu đei kơ jă tôch kăp gĭt. Dêh char jăh akŏm jơ hngâm tơ lĕch tơ drong jang atŏk tơ iung plt Việt Trì jing plt pơ gơ̆r lêh vih hăm chăl yă ƀok tơm dơ nơm sơ̆ kơ hơ drĕch hơ drung Việt Nam. 

Dơ̆ng: Tơ blơ̆