VOV4.Bahnar - Kơ sơ̆ 1/4, tơ̆ Hnam Kuô̆k hô̆i, Kơ dră Kuô̆k hô̆i Vương Đình Huệ pơ gơ̆r bơ̆ jang hăm kơ dră chĕp kơ̆l Đảng dêh char Bến Tre. Tơ drong bơ̆ jang đei mơ̆ng nơ̆r tơ roi găh tơ drong jang atŏk tơ iung mŭk drăm, tơ pôl kơ dêh char Bến Tre sơ năm 2021; mơ̆ng dôm nơ̆r pơ ma, apinh đơ̆ng dêh char găh trong jang, tơ drong tơ gŭm vă tơ gŭm ăn dêh char Bến Tre jang tŏk ƀât mă Thủ tướng Phạm Minh Chính ‘nao kĭ ăn trong jang atŏk tơ iung tơ ring tĕh tơ măn đak krong Cửu Long.

Jơ pơ gơ̆r bơ̆ jang

Pơ ma lơ̆m jơ bơ̆ jang, Kơ dră Kuô̆k hô̆i Vương Đình Huệ drơ̆ng nơ̆r hăm dôm nơ̆r apinh đơ̆ng dêh char Bến Tre găh tơ lĕch tơ drong jang kơ lơ̆p đak dơ sĭ tơ̆ 1,2 tơ ring jih đak dơ sĭ kơ dêh char, Kơ dră Kuô̆k hô̆i Vương Đình Huệ tơ tă, dêh char athei jang hơ doi kơ jăp hăm Anih tơm tơ lĕch nơ̆r sơ kơ̆t tơ mât jên jang vă bơ̆ jang. Kơ dră Kuô̆k hô̆i tơ gŭm ăn nơ̆r athei đơ̆ng dêh char jăh tơ lĕch jên pơm trong kiơ̆ gơng Rạch Miễu 2; athei dêh char jang hơ doi hăm dôm anih tơm hơ len năng jên jang, roi tơ ƀôh ăn Khul kơ dră tĕh đak, Kuô̆k hô̆i set hơ len, tơ chơ̆t pơ truh jên ăn tơ drong jang.

Dơ̆ng: Tơ blơ̆