VOV4.Bahnar - Ƀlep ƀât tơ băt 67 sơ năm năr ƀok thây pơ gang Việt Nam (27/2), kơ sơ̆ 25/2, Kơ dră Kuô̆k hô̆i Vương Đình Huệ năm hơ pong tơ̆ Hnam pơ gang Việt Đức. Pơ ma tơ̆ âu, Kơ dră Kuô̆k hô̆i Vương Đình Huệ pôk pơ ư dôm tơ drong jơ nei ‘lơ̆ng hơ iă, tih tên đơ̆ng khul ƀok thây pơ gang păng bơ ngai jang tơ̆ anih jang pơ gang pơ ma atŭm, Hnam pơ gang Việt Đức pơ ma adrô̆ hlôi iŏk đei lơ̆m khei ‘năr âu ki.

Kiơ̆ Kơ dră Kuô̆k hô̆i Vương Đình Huệ, hlŏh đơ̆ng dôm ‘măng jĭ COVID-19, hlôi tơ ƀôh hơ dăh tơ drong gĭt kăl đơ̆ng anih jang pơ gang păng khul jang pơ gang lơ̆m rim hnam pơ gang păng anih tang găn jĭ. Kơ dră Kuô̆k hô̆i Vương Đình Huệ hơ mĕng, hăm tơ drong juăt ‘lơ̆ng hơ iă đơ̆ng rim jơ hnơr ƀok thây pơ gang, Hnam pơ gang Việt Đức hăm tơ drong jơ nei ‘lơ̆ng mưh khăm, hơ met jĭ păng tơ chĕng hơ len khoa hŏk gô hơ nơ̆ng jing tơ drong ‘lơ̆ng vă tưk tơ iung jơ hngâm pran ăn anih jang pơ gang, vă jang pran ‘lơ̆ng hlŏh dơ̆ng, khŏm tang găn đei tơ drong jĭ Covid- 9 păng vei lăng ‘lơ̆ng jơ hngâm pran ăn kon pơ lei.

Dơ̆ng: Tơ blơ̆