VOV4.Bahnar - Ƀlep ƀât tơ băt 75 sơ năm Năr ling jĭ rơ ka, linh lôch tang tĕh đak, lơ̆m ‘măng năm bơ̆ jang tơ̆ dôm dêh char tơ ring tŏk bŏk, pơ gê 26/7, Kơ dră Kuô̆k hô̆i Vương Đình Huệ truh sŏh nhang, plang pơ kao tơ̆ pơ sat linh lôch tang tĕh đak plt Quảng Ngãi; sŏh nhang, plang pơ kao tơ̆ Anih ƀlŏk hơ dơ̆r kơ nhap Thủ tướng Phạm Văn Đồng; năm ngôi, hơ păh tơ mam ăn Mĕ Việt Nam nuih mơng, unh hnam bơ ngai đei kŏng hăm kăch mang.

Tơ̆ pơ sat linh lôch tang tĕh đak plt Quảng Ngãi, Kơ dră Kuô̆k hô̆i Vương Đình Huệ păng khul jang hơ kŭh kơ̆l tơ̆ hơ năp rup man kơ đe linh lôch tang tĕh đak, tơ̆ hơ năp pơ ‘ngol đe linh lôch tang tĕh đak, dôm bơ ngai kon gơ̆h hơ gei kơ pơ lei pơ la, tĕh đak, ƀlŏk hơ dơ̆r kơ đe linh lôch tang tĕh đak chu hŭt hơ kâu yoa tơ drong rơ ngei, hiôk hian kơ tĕh đak. Adrol kơ ‘nŏh, Kơ dră Kuô̆k hô̆i Vương Đình Huệ păng khul jang truh hơ pong, asong tơ mam ăn unh hnam Mĕ Việt Nam nuih mơng Lê Thị Thư; unh hnam linh jĭ rơ ka ¼ Phan Quang Nam, tơ̆ phường Trần Phú, plt Quảng Ngãi.

Dơ̆ng: Tơ blơ̆