VOV4.Bahnar - Pơ gê 26/1, tơ̆ Hà Nội, Kơ dră Kuô̆k hô̆i Vương Đình Huệ năm ngôi, bơ̆ jang, hmach thơ thou têt ăn Anih chĕp kơ̆l khul linh Anih tơm Hà Nội.

Kơ dră Kuô̆k hô̆i Vương Đình Huệ akhan, hăm tơ drong juăt hlŏh 75 sơ năm pơ jing, tơ blăh păng jang tŏk, tơ iung tơ drong juăt đơ̆ng Anih tơm rơ bâu sơ năm gơ̆h hơ gei, plt Kơ tang nuih mơng; hăm tơ drong juăt “Chu lôch tang vă tĕh đak gơ̆h arih”, khul linh Anih tơm Hà Nội hơ nơ̆ng hlôh vao kơ jăp, bơ̆ jang đei yoa trong jang khul linh, vei sơ đơ̆ng tĕh đak đơ̆ng Đảng, tơ drong chĕp kơ̆l đơ̆ng Quân ủy Trung ương, Anih tơm vei lăng khul linh tĕh đak păng Anih jang đảng plt Hà Nội lơ̆m tơ drong pơ jing trong jang đĭ đăng kon pơ lei vang vei lăng tĕh đak tơ klep hăm tơ dỏng sơ đơ̆ng kơ kon pơ lei, vei kơ jăp ‘lơ̆ng tơ drong sơ đơ̆ng.

Sơ năm 2022, Kơ dră Kuô̆k hô̆i Vương Đình Huệ athei, Đảng ƀô̆, Anih chĕp kơ̆l khul linh Anih tơm kăl akŏm tơ drong chĕp kơ̆l, pơ gơ̆r bơ̆ jang ‘lơ̆ng tơ drong jang, hlôh vao kơ jăp păng jang đei jơ nei tơ drong Tơ chơ̆t đơ̆ng hop akŏm mă XIII kơ Đảng, tơ pă jing khul linh tơm dơ nơm, kơ chăng tơ blăh đơ̆ng Khul linh anih tơm. Pơ jing dôm anih jang, kơ đông pran kơ jăp, gơ̆h hơ gei.

Dơ̆ng: Tơ blơ̆